दक्षिण कोरियाको विदेशी मुद्रा सञ्चिति घट्यो

रिपोर्टर: admin

फाल्गुन २२, २०७९

136 views पटक

1 मिनेट पढ्ने

अपडेट: फाल्गुन २२, २०७९

सोल : दक्षिण कोरियाको विदेशी मुद्रा सञ्चिति फेब्रुवरीमा चार महिनायता पहिलो पटक गिरावट आएको केन्द्रीय बैंकको तथ्यांकले देखाएको छ । बैंक अफ कोरियाका अनुसार फेब्रुवरीको अन्त्यमा विदेशी मुद्रा सञ्चिति ४२५.२९ अर्ब अमेरिकी डलर रहेको छ जुन अघिल्लो महिनाको तुलनामा ४.६८ अर्ब डलरले कम हो । यो सँगै बलियो डलरले गैर–डलर सम्पत्तिहरुको रुपान्तरण मूल्य घटाएको छ ।

देशको विदेशी सञ्चितिमा ३७४ अर्ब ४९ करोड डलर धितोपत्र, २६ अर्ब ७५ करोड निक्षेप, १४ अर्ब ८० करोड डलर विशेष निकासी अधिकार, ४ अर्ब ७९ करोड डलर सुन र ४ अर्ब ४४ करोड डलर आईएमएफ (अन्तरराष्ट्रिय मुद्रा कोष) रहेको छ । जनवरीको अन्त्यमा दक्षिण कोरिया विश्वको नवौं ठूलो विदेशी मुद्राको भण्डार भएको थियो ।

रासस-सिन्ह्वा