इंग्ल्याण्डले युक्रेनलाई हराउँदै युरो २०२४ को छनोट पुगे

इंग्ल्याण्डले युक्रेनलाई हराउँदै युरो २०२४ को छनोटमा अपराजित यात्रालाई कायम राखेको छ । समूह सी अन्तरगतको वेम्ब्ले मैदानमा भएको खेलमा इंग्ल्याण्ड २–० गोलले विजयी भएको हो । खेलको ३७ औँ मिनेटमा इंग्ल्याण्डका रेकर्ड गोलकर्ता ह्यारी केनले इंग्ल्याण्डलाई अग्रता दिलाए ।

राष्ट्रिय टोलीका लागि उनको गोल सङ्ख्या ५५ पुगेको छ । लगत्तै बुकायो साकाले टोलीको अग्रता दोब्बर बनाए । यसअघि इंग्ल्याण्डले पहिलो खेलमा इटालीमा पराजित गरेको थियो । गेराथ साउथगेटको टोलीले सन् १९६१ पछि इटालीको घरेलु मैदानमा उसलाई हराउन सफल भएको थियो ।