बाल लोक गायक सचिन परियारको निधन

काठमाडौँ। आज बिहान बाल गायक सचिन परियारको निधन भएको छ । महाराजगञ्जस्थित टिचिङ अस्पतालमा उपचारको क्रममा उनको आज बिहान ठिक १०:४५ मा निधन भएको हो।

बालगायक सचिन परियारको १३ वर्षको उमेरमा उपचार क्रममा अस्पतालमै निधन भएको छ । बाल गायक सचिन परियारको आफ्नो शारीरिक स्वास्थ्यमा समस्या आएपछि उनी एक साता अघिदेखि नै अस्पताल भर्ना भएका थिए । उनका बुबा तेजेन्द्र परियारले आर्थिक समस्या भइरहेको कुरा बताइरहेको परिस्थितिमा उनको अस्पतालमै निधन भएको हो।

बाल गायक सचिन परियार अन्य बालकको तुलनामा केही भिन्न स्वभावको बालक रुपमा देखिन्थ्यो। जसले गर्दा उनलाई सामाजिक सञ्जालदेखि युट्युब च्यानल सम्म दर्शक श्रोताहरूले निकै रुचाएका बालकको रुपमा चिनिएका थिए ।

बालगायक रूपमा आफ्नो छाप बनाइसकेका परियारले धेरै दर्शक श्रोताहरूको मन जितेका थिए। केही वर्षअघि सामाजिक सञ्जालमार्फत चर्चामा आएका सचिनले गाएका आधा दर्जन लोकगीतहरु करोड सम्म युट्युब च्यानलको भिउजमा पुगेका थिए। उनले गाएको गीतहरु ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायतका  गीत निकै चर्चित भएका थिए । साथै सचिनले हास्य श्रृङ्खला मेरी बासैमा पनि केही अभिनय गरेका थिए। सँगसँगै महानायक राजेश हमालसँग पनि एक म्युजिक भिडियो खेल्ने अवसर पाएका थिए ।