मिक्वाखोला–४ फुङफुङे तेम्बा बजारमा मध्यरात आगलागी, नेपाली सेनासहित सुरक्षाकर्मीको सहकार्यमा नियन्त्रण

ताप्लेजुङ, मंसिर ३ गते । आज बिहान करिब १ बजे ताप्लेजुङको मिक्वाखोला गाउँपालिका–४, फुङफुङे तेम्बा बजारस्थित एक पसलमा लागेको आगो नेपाली सेना, विरदल गणले अन्य सुरक्षा निकाय तथा स्थानीयबासीको सहयोगमा नियन्त्रणमा ल्याएका छन्।

photo by nepali sena

स्थानीय स्रोतका अनुसार मध्यरात अचानक एक पसलबाट सुरु भएको आगो छोटो समयमा नै फैलिन थालेपछि सुरक्षाकर्मी तथा स्थानीयवासी सक्रिय भएपछि ठूलो क्षति हुनबाट जोगिएको हो। आगलागी नियन्त्रणका लागि नेपाली सेनाको विरदल गणको टोली, नेपाल प्रहरी, सशस्त्र प्रहरी र स्थानीयले संयुक्त रूपमा प्रयास गरेका थिए।

photo by nepali sena

आगलागीको पूर्ण विवरण तथा क्षतिको मूल्याङ्कन भइरहेको जनाइएको छ।