पत्रकार राजु सुवेदीलाई धम्की दिने व्यक्तिलाई तत्काल कानुनी दायरामा ल्याउन माग

काठमाडौँ, फागुन १९ गते । समाचार लेखेकै आधारमा पत्रकार राजु सुवेदीलाई भौतिक आक्रमणसम्मको धम्की दिइएको घटनाप्रति नेपाल पत्रकार महासंघ ले गम्भीर ध्यानाकर्षण भएको जनाएको छ।

महासंघ काठमाडौं शाखाका अनुसार भारतीय नागरिकता बोकेको व्यक्तिलाई नेपाली नागरिकता वितरण गरिएको विषयमा प्रकाशित समाचारको निहुँमा पत्रकार सुवेदीलाई सामाजिक सञ्जाल तथा फोन मार्फत धम्की आएको हो। समाचारप्रति असहमति भए प्रचलित विधिअनुसार उपचार खोज्नुपर्नेमा पत्रकारलाई धम्की दिनु निन्दनीय र प्रेस स्वतन्त्रता माथिको गम्भीर आक्रमण भएको महासंघको ठहर छ।

महासंघले धम्की दिने कार्यमा संलग्न व्यक्तिको तत्काल पहिचान गरी कानुनी दायरामा ल्याउन सम्बन्धित निकायसँग माग गरेको छ। साथै पत्रकारको सुरक्षाको सुनिश्चितता गर्न पनि आग्रह गरिएको छ।

महासंघका महासचिव रामप्रसाद दाहालले विज्ञप्ति जारी गर्दै यस्ता घटनाले स्वतन्त्र पत्रकारितामाथि त्रास सिर्जना गर्ने भएकाले दोषीमाथि कडा कारबाही हुनुपर्नेमा जोड दिएको छ।

विज्ञप्ति यस्तो हेर्नुहोस !