बर्दियामा एक बालबालिका बलात्कारको आरोपमा दुई जना प्रकाउ

बर्दिया । बर्दिया राजापुर नगरपालिका-९ जोगीपुरकी १३ वर्षीया बालिकालाई बलात्कारको आरोपमा दुई जना पक्राउ परेका छन्। आरोपीलाई प्रहरीले बिहीबार पक्राउ गरेको हुन् ।

पीडित बालिकाका आमाबाबु भारत गएको समयमा हजुरबुबासँग बस्दै गरेकी थिन । बालिकालाई राति करिब ११ देखि १२ बजेको बीचमा घर पछाडिको भित्ता फोडेर २७ वर्षीया शनिराम चौधरीले बलात्कार गरेको इलाका प्रहरी कार्यालय, राजापुरका प्रहरी नायब उपरीक्षक प्रकाश सापकोटाले बताए।

अर्का एक सहयोगी २६ वर्षीय राधेश्याम चौधरी पनि बिहीबार पक्राउ परेको प्रहरीको भनाइ छ। राधेश्यामले घर बाहिर बसेर निगरानी गरेको र दुवै जनाविरुद्ध पीडित बालिकाले बलत्कारको किटानी जाहेरी दिएकोले आवश्यक अनुसन्धान थालिएको प्रहरीले जनाएको छ।