बागमतीका मुख्यमन्त्री जम्कट्टेलद्वारा दाेस्राे बागमती प्रदेश खेलकुद २०८० काे समद्वघाटन

हेटौंडा । बागमती प्रदेशको राजधानी हेटौंडा ५ स्थित पिप्ले क्याम्पा रंगाशालामा आज (आइतबार)दोस्रो बागमती प्रदेश खेलकुद २०८० को समद्वघाटन भएको छ ।प्रदेश खेलकुद विकास समिति हेटौंडाद्वारा आयोजना गरेको प्रतियोगितामा उद्वघाटन बागमती प्रदेशका मुख्यमन्त्री शालिकराम जम्कट्टेलले गर्नु भएको हो ।

आज यस दोस्रो शहकरण खेलकुद प्रतियोगितामा १३ जिल्लाका खेलाडीहरुले सहभागी जनाएका छन् । प्रतियोगिता आज ७ गतेदेखि १९ गते सम्म हुने भएको छ । राजधानीमा आजबाट सुरु भई रहेको प्रतियोगितामा खेलाडी, प्रशिक्षक, निर्णायक, खेल पदाधिकारी लगायतले सहभागी जनाएका थिए ।आजबाट सुरु हुने प्रतियोगितामा १३ खेल समावेश गरिएका छन् । उसु, जुडो र पौडी खेल काठमाडौँ तथा ललितपुरमा खेलाइने छन् ।

यस्तै क्रिकेट चितवनमा खेलाइने सदस्य सचिव भण्डारीले बताए । फुटबल, भलिबल, एथलेटिक्स, तेक्वान्दो, कराते, बक्सिङ, रग्बी, ब्याडमिन्टन र आइटिएफ तेक्वान्दो हेटौँडाका विभिन्न खेल मैदानमा खेलाइने छन् ।

राष्ट्रको लागि खेलकुद र स्वास्थको लागि खेलकुद भन्ने भनाईलाई मनन् गर्दै बागमती प्रदेशका मुख्यमन्त्री शालिकराम जम्कट्टेलले खेलाडी भनेको देशको चिनारी हुन , खेलाडीले देशको झण्डालाई राष्ट्रय रुपमा अन्तर्राष्ट्रिय रुपमा चिनाउने गर्दछ । खेल क्षेत्रलाई अझै व्यवथित पार्ने ,सझम बनाउन र खेलाडीलाई व्यवसायी करण गर्नको लागि प्रदेश सरकार चिन्तामा रहेको छौं। त्यसै गरि आर्थिक बर्ष ८०/८१ को निति कार्यक्रम र बजेट तयारीमा बागमती प्रदेश रहेको बताए । साथै खेलाडीहरुको आवश्यता खेल जगतको आवश्यता के हो भन्ने बिषयलाई कसरी पुर्नता दिने र सरकारको लगानीलाई कसरी सदुपयोग गर्ने मुख्यमन्त्री जम्कट्टेलले बताए ।

प्रदेशका खेल प्रतिभाको खोजीका साथै प्रदेशको टिम तयार र खेलाडीलाई नियमित अभ्यास एवम् प्रशिक्षणको वातावरण बनाउने उद्देश्यका साथ दोस्रो वर्ष पनि प्रतियोगिता सुरु गरिएको हो । यस वर्ष विभिन्न १३ वटा खेल विधामा ७९४ पदकका लागि २ हजार ५०२ खेलाडीले प्रतिस्पर्धा गर्दैछन् । एकहजार ७५ महिला र एकहजार ४२७ पुरुष गरी २ हजार ५०२ जना खेलाडीले २१९ स्वर्ण, २१९ रजत र ३५६ कास्य गरी ७९४ पदका लागि खेल्ने छन् । पदक विजेता खेलाडीहरुले पदकसहित नगद पुरस्कार समेत प्राप्त गर्नेछन् । प्रथम, द्वितीय र तृतीय हुने खेलाडीले क्रमशः जनही नगद ५ हजार, ४ हजार र ३ हजार रुपैयाँ नगद पुरस्कार प्राप्त गर्नेछन् ।

त्यस्तै उद्वघाटन सत्रमा प्रतियोगिताको सोभा बढाउन कलाकार भोइस अफ सिजन १ का विजेता जेनिस उप्रेती र गायका रचना रिमाल लगाएतले गित गाउने र नित्य प्रदर्शनी गरेका थिए । कार्यक्रममा बागमती प्रदेशका सभामुख भुवन कुमार पाठक, प्रदेशका सामाजिक विकास मन्त्री कुमारी मुक्तान, भौतिक पूर्वाधार विकास मन्त्री युवराज दुलाल, जिल्ला समन्वय समिति मकवानपुरका प्रमुख ललित घलान, हेटौंडा उपमहानगरपालिकाका मेयर मिना कुमारी लामा, मन्त्रालयका सचिबहरु लगायतकाको आतिथ्यता रहेको थियो ।