गाउँपालिकास्तरिय भेट्रान्स कप फुटसलको उपाधी मकवानपुरगढी–२ लाई

हेटौंडा । मकवानपुरगढी गाउँपालिकास्तरिय भेट्रान्स कप फुटसल प्रतियोगिताको उपाधि खेलकुद विकास समिति मकवानपुरगढी–२ ले हात पारेको छ । विजया दशमीको अवसरमा प्रतिभा युवा क्बलले आयोजना गरेको थियो । मकवानपुरगढी गाउँपालिकास्तरिय भेट्रान्स कप फुटसल प्रतियोगिताको फाईनलमा सेर्से गुम्बा मकवानपुरगढी–४ लाई २–१ ले पछि पार्दै खेलकुद बवकास समिति मकवानपुरगढी–२ ले उपाधि हात पारेको हो ।

शनिबार भएको सेमिफाईनलमा खेलमा गढिस्टार स्पोर्टस् क्लबलाई ४–० गोल अन्तरले पराजित गर्दै सेर्से गुम्बा फाईनल पुगेको थियो भने मकवानपुरगढी–५ आमभञ्ज्याङलाई ६–१ गोल अन्तरले पराजित गर्दै खेलकुद विकास समिति वडा नम्बर २ फाईनल प्रवेश गरेको थियो ।

प्रतियोगितामा प्रथम हुने खेलकुद विकास समिति मकवानपुरगढी–२ ले ३० किलोको खसी, शिल्ड, मेडल र प्रमाण पत्र प्राप्त गरेको छ । उपविजेता सेर्से गुम्बा मकवानपुरगढी–४ ले २० किलोको बोका, शिल्ड, मेडल र प्रमाणपत्र प्राप्त गरेको छ । प्रतियोगितामा सेर्से गुम्बाका गौरव घलान उत्कृष्ट खेलाडी घोसित हुँदै नगद ५ हजार रुपैया प्राप्त गरेका छन । प्रतिभा युवा क्बलका खेल संयोजक बिक्रम लामाको अध्यक्षतामा भएको समापन कार्यक्रममा मकवानपुरगढी गाउँपालिका अध्यक्ष दोर्जे लामा स्याङ्तानको प्रमुख आतिथ्यता रहेको थियो ।