एसियाडमा लगातार दोस्रो पटक नेपालले जित्यो रजत पदक

हान्झाउ । एसियाली खेलकुद (एसियाड) मा नेपालले लगातार दुई संस्करणमा रजत पदक जितेको छ । एसियाडको ७२ वर्षे इतिहासमा नेपालले लगातार दुई संस्करणमा रजत पदक जितेको यो पहिलो पटक हो ।

चीनको हान्झाउमा जारी १९औं एसियाडमा नेपालकी कराते खेलाडी एरिका गुरुङले शनिबार महिला ६८ केजीमाथि तौल समूहमा ऐतिहासिक रजत जितिन् ।

यसअघि सन् २०१८ मा इन्डोनेसियामा भएको १८औं एसियन गेम्मसा नेपालको प्यारग्लाइडिङ टिमले टिम इभेन्टमा रजत जितेको थियो ।

समग्रमा भने नेपालले एसियाडमा तेस्रो पटक रजत पदक जितेको हो । सन् १९९८ मा थाइल्याण्डको बैंककमा भएको १३औं एसियाडमा तेक्वान्दोकी सविताराज भण्डारीले पहिलो पटक नेपाललाई रजत दिलाएकी थिइन् ।

नेपालले पछिल्लो तीन संस्करणको एसियाडमा एक एक कास्य पदक जित्दै आएकोमा यस पटक दुई पदक जितेको छ । यसअघि महिला कबड्डी टिमले नेपालका लागि पहिलो पदक ९कास्य० दिलाएका थिए ।

क्गशगपष् म्बकजबष्ल इााभच
नेपालले एसियाडमा करातेबाट जितेको यो चौथो पदक हो । यसअघि सन् १९९४ मा सीता राई, १९९८ मा समरबहादुर गोले र २०१४ मा विमला तामाङले कास्य पदक जितेकी थिइन् ।

सात दशक लामो एसियाडमा नेपालले सन् १९५१ मा भारतको नयाँ दिल्लीमा भएको पहिलो संस्करणको एसियाड देखि नै सहभागिता जनाउँदै आएको छ । नेपालले १९५४ को दोस्रो र १९६२ को चौथो संस्करणमा मात्र भाग लिएको थिएन ।

एसियाडमा सन् १९८६ देखि नेपालले पदक जित्न थालेकोमा अहिलेसम्म हरेक संस्करणमा पदक जित्दै आएको छ । तर अहिलेसम्म स्वर्ण भने जित्न सकेको छैन ।

नेपालले एसियाडमा तेक्वान्दोबाट सबैभन्दा धेरै १४ पदक जितेको छ ।

सन् १९८६ मा दक्षिण कोरियाको सोलमा भएको १०औं एसियन गेम्समा नेपालले एकैपटक ८ कास्य जितेको थियो । त्यसमा तेक्वान्दो र बक्सिङले ४-४ पदक जितेका थियो ।

यस्तै तेक्वान्दोकै दीपक विष्टले २ पदक जितेका छन् । उनी लगातार दुई संस्करणमा पदक जित्ने एक्लो नेपाली खेलाडी हुन् । तेक्वान्दोका दिपक विष्टले सन् २००२ / २००६ मा लगातार कास्य पदक जितेका थिए ।

नेपालको लागि एसियन गेम्समा पदक जित्ने खेलाडीहरुस्

१०औं एसियन गेम्स (सोल, दक्षिण कोरिया) – १९८६
स्व। दलबहादुर रानामगर (बक्सिङ) कास्य
तुलबहादुर थापा (बक्सिङ) कास्य
सुशील पोखरेल (बक्सिङ) कास्य
मनोज बहादुर श्रेष्ठ (बक्सिङ) कास्य
राजकुमार राई (तेक्वान्दो) कास्य
विधान लामा (तेक्वान्दो)कास्य
रामबहादुर घर्ती क्षेत्री (तेक्वान्दो) कास्य
राजकुमार बुढाथोकी (तेक्वान्दो) कास्य

११औं एसियन गेम्स (बेइजिङ, चीन) – १९९०
चित्रबहादुर गुरुङ (बक्सिङ)कास्य

१२औं एसियन गेम्स (हिरोसिमा, जापान) –१९९४
मानबहादुर शाही (तेक्वान्दो) कास्य
सीता राई (कराते)कास्य

१३औं एसियन गेम्स (बैंकक, थाइल्याण्ड)– १९९८
सविता राजभण्डारी (तेक्वान्दो)रजत
किशोर श्रेष्ठ (तेक्वान्दो) कास्य
सपना मल्ल (तेक्वान्दो) कास्य
समरर बहादुर गोले (कराते) कास्य

१४औं एसियन गेम्स (बुसान, दक्षिण कोरिया)– २००२
दिपक विष्ट (तेक्वान्दो)कास्य
रेनुका रानामगर (तेक्वान्दो)कास्य
ऋतु जिमी राई (तेक्वान्द)कास्य

१५औं एसियन गेम्स (दोहा, कतार)– २००६
दिपक विष्ट (तेक्वान्दो)कास्य
आयशा शाक्य (तेक्वान्दो) कास्य
मनिता शाही (तेक्वान्दो)कास्य

१६औं एसियन गेम्स (ग्वाङ्झाउ, चीन)– २०१०
दिपक महर्जन (बक्सिङ)कास्य

१७औं एसियन गेम्स (इन्चोन, दक्षिण कोरिया)– २०१४
विमला तामाङ (कराते) कास्य

१८औं एसियन गेम्स (जाकार्तारपालेम्बुङ, इन्डोनेसिया)– २०१८
प्याराग्लाइडिङ टिम

१९औं एसियन गेम्स (हान्झाउ, चीन) २०२३
महिला कबड्डी टिम
एरिका गुरुङ (कराते)