गुल्मी। आज गुल्मीमा बसको भाडाको विवाद गर्दै गरेका एक महिलाको बसको ढोकाबाट खसेर मृत्यु भएको छ। बसका सहचालकसँग भाडा विवाद भएपछि झगडा परेको उक्त महिला सो बसकोट ढोकाबाट खस्न पुग्दा उनको मृत्यु भएको हो।

गुल्मीको ताम्घास-छल्दी सिमलटारी सडकखण्ड अन्तर्गतको धनार्जीमा बुटवलदेखि तामघास हुँदै अर्खबाङ जाँदै गरेको बस नम्बर लु १ ख ५७३६ रहेको बसमा मृतक महिलासँग उक्त बसको सहचालकसँग भाडाको विषयमा विवाद भएको थियो। आर्थिक भाँडाको लेनदेनमा कुरा नमिल्दा ती महिला बसको ढोकाबाट बाहिर झुन्डिन पुगेका थिइन्।

सहचालक भाडाको लेनदेन विवाद भइरहँदा बस भने गुडिरहेको अवस्थामा थियो। सही क्रममा आर्थिक लेनदेन विवाद झगडामा परिणत भइसकेपछि बसको ढोकामा झुन्डिन पुग्दा उनी सडकमा बज्रिन पुगेको प्रहरीले जानकारी दिएको छ।

बसको ढोकाबाट खसेर मृत्यु हुनेमा इस्मा गाउँपालिका वडा नम्बर ५ का रातामाटाकी वर्ष ३९ कि शान्ति कुमाल रहेकी छिन्। घटना लगत्तै उपचारको लागि गुल्मी पुर्‍याएकी महिलालाई सोही अस्पतालका डाक्टर चिकित्सकहरूले मृत्यु घोषणा गरेका थिए ।